କେନ୍ଦ୍ର ସରକାରଙ୍କ ଆସନ୍ତା କ୍ୟାବିନେଟ୍ ସମ୍ପ୍ରସାରଣକୁ ନେଇ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି। ଏଥିରେ ଜଣେ ମହିଳା ସାଂସଦଙ୍କୁ ମନ୍ତ୍ରିମଣ୍ଡଳରେ ସ୍ଥାନ ମିଳିପାରେ ବୋଲି ଆଶା କରାଯାଉଛି। ସେ ପୂର୍ବତନ ୧୯୯୪ ବ୍ୟାଚ୍ ଓଡ଼ିଶା କ୍ୟାଡର ଭାରତୀୟ ପ୍ରଶାସନିକ ସେବା (ଆଇଏଏସ୍) ଅଧିକାରୀ ଅପରାଜିତା ଷଡ଼ଙ୍ଗୀ ବୋଲି ଚର୍ଚ୍ଚା ହେଉଛିନୂଆଦିଲ୍ଲୀ: କେନ୍ଦ୍ର ସରକାରଙ୍କ ଆସନ୍ତା କ୍ୟାବିନେଟ୍ ସମ୍ପ୍ରସାରଣକୁ ନେଇ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି। ଏଥିରେ ଜଣେ ମହିଳା ସାଂସଦଙ୍କୁ ମନ୍ତ୍ରିମଣ୍ଡଳରେ ସ୍ଥାନ ମିଳିପାରେ ବୋଲି ଆଶା କରାଯାଉଛି। ସେ ପୂର୍ବତନ ୧୯୯୪ ବ୍ୟାଚ୍ ଓଡ଼ିଶା କ୍ୟାଡର ଭାରତୀୟ ପ୍ରଶାସନିକ ସେବା (ଆଇଏଏସ୍) ଅଧିକାରୀ ଅପରାଜିତା ଷଡ଼ଙ୍ଗୀ ବୋଲି ଚର୍ଚ୍ଚା ହେଉଛି, ଯିଏ ଦୀର୍ଘ ସମୟ ଧରି ପ୍ରଶାସନିକ କ୍ଷେତ୍ରରେ କାର୍ଯ୍ୟ କରି ପ୍ରଶଂସିତ ହୋଇଥିଲେ।ରିପୋର୍ଟ ଅନୁଯାୟୀ, ଅପରାଜିତା ଆଗରୁ ଜିଲ୍ଲା ପ୍ରଶାସନ, ନଗର ପ୍ରଶାସନ ଓ କେନ୍ଦ୍ର ସରକାରୀ ବିଭାଗରେ ଉଚ୍ଚ ପଦରେ କାର୍ଯ୍ୟ କରିଥିଲେ। ସେ ଗ୍ରାମୀଣ ବିକାଶ ମନ୍ତ୍ରଣାଳୟରେ ଯୁଗ୍ମ ସଚିବ ଭାବେ ମଧ୍ୟ ଦାୟିତ୍ୱ ନିଭାଇଥିଲେ। ପ୍ରଶାସନିକ ଅଭିଜ୍ଞତା ଓ ନୀତି ନିର୍ମାଣରେ ତାଙ୍କର ଗଭୀର ଦକ୍ଷତାକୁ ଦୃଷ୍ଟିରେ ରଖି ଦଳ ତାଙ୍କୁ କ୍ୟାବିନେଟ୍ରେ ଆଣିବା ବିଷୟରେ ଭାବୁଛି ବୋଲି କୁହାଯାଉଛି। ସେ ପ୍ରଶାସନିକ ଜୀବନରୁ ସ୍ୱଇଚ୍ଛାରେ ଅବସର ନେଇ ରାଜନୀତିରେ ପ୍ରବେଶ କରିଥିଲେ। ପରେ ସେ ଜାତୀୟ ରାଜନୀତିରେ ସକ୍ରିୟ ହୋଇ ଭୁବନେଶ୍ବର ସାଂସଦ ଭାବେ ନିର୍ବାଚିତ ହୋଇଥିଲେ।ତାଙ୍କର ନିଜ ନିର୍ବାଚନ ମଣ୍ଡଳୀରେ ବିକାଶମୂଳକ କାର୍ଯ୍ୟ ଓ ଲୋକସେବା ଭାବନା ତାଙ୍କୁ ଦଳ ମଧ୍ୟରେ ଏକ ଶକ୍ତିଶାଳୀ ମୁହଁ ଭାବେ ସ୍ଥାପିତ କରିଛି। ରାଜନୈତିକ ବିଶେଷଜ୍ଞମାନେ କହୁଛନ୍ତି ଯେ କ୍ୟାବିନେଟ୍ ବିସ୍ତାରରେ ମହିଳା ପ୍ରତିନିଧିତ୍ୱ ବଢ଼ାଇବା ଉପରେ ସରକାର ଗୁରୁତ୍ୱ ଦେଉଛନ୍ତି। ଏହି ପରିପ୍ରେକ୍ଷୀରେ ପୂର୍ବତନ ଆଇଏଏସ୍ ଅଧିକାରୀ ଭାବେ ତାଙ୍କର ପ୍ରଶାସନିକ ଅନୁଭବ ଓ ରାଜନୈତିକ ସକ୍ରିୟତା ତାଙ୍କୁ ମନ୍ତ୍ରିମଣ୍ଡଳରେ ସ୍ଥାନ ଦେବା ପାଇଁ ବଳିଷ୍ଠ ଦାବିଦାର କରୁଛି। ଯଦିଓ ଏନେଇ ସରକାରୀ ଭାବେ କୌଣସି ଘୋଷଣା ହୋଇନାହିଁ, ତଥାପି ଦିଲ୍ଲୀ ରାଜନୀତିରେ ଏହି ନାମକୁ ନେଇ ଆଲୋଚନା ଚାଲିଛି। କ୍ୟାବିନେଟ୍ ବିସ୍ତାର ହେଲେ ତାଙ୍କୁ କେଉଁ ବିଭାଗର ଦାୟିତ୍ୱ ମିଳିପାରେ ସେ ନେଇ ମଧ୍ୟ ଅନୁମାନ ଲଗାଯାଉଛି।
