ଅନୁଗୁଳ: ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ଥିବା
ରକ୍ତଦାନ ଭବନରେ ବିଶ୍ବ ରକ୍ତ ଦାତା ଦିବସ ପାଳିତ
ହୋଇଯାଇଛି। ଏ ଅବସରରେ ଏକ ସ୍ୱେଚ୍ଛାକୃତ ରକ୍ତଦାନ
ଶିବିର ଆୟୋଜିତ ହୋଇଥିଲା। ଅନୁଗୁଳ ଉତ୍କର୍ଷ
ପରିବାର,ବୁଡ଼ ବ୍ୟାଙ୍କ ଏବଂ ଜେଏସପି ଫାଉଣ୍ଡେସନର ମିଳିତ
ଆନୁକୁଲ୍ୟରେ ଏହି ରକ୍ତଦାନ ଶିବିର ଆୟୋଜିତ ହୋଇଥିଲା।
ଢେଙ୍କାନାଳ ସାଂସଦ ରୁଦ୍ର ନାରାୟଣ ପାଣି,ଅନୁଗୁଳ ବିଧାୟକ
ପ୍ରତାପ ଚନ୍ଦ୍ର ପ୍ରଧାନ,ସିଡିଏମଓ ଡ଼ା ଶିବାନନ୍ଦ ମହାନ୍ତି ପ୍ରମୁଖ
ଅତିଥୁ ରୁପେ ଶିବିରକୁ ଉଦଘାଟନ କରିଥିଲେ।ନବ ନିର୍ବାଚିତ
ବିଧାୟକ ଶ୍ରୀ ପ୍ରଧାନ ରକ୍ତଦାନ ଏକ ମହତ୍ କାର୍ଯ୍ୟ ଏବଂ
ପ୍ରତ୍ୟେକ ଯୁବକ ଯୁବତୀ ରକ୍ତଦାନ କରିବା ଉଚିତ୍ ବୋଲି
ମତବ୍ୟକ୍ତ କରିଥିଲେ। ଅନୁଗୁଳ ରକ୍ତ କେନ୍ଦ୍ରର ସର୍ବାଙ୍ଗୀନ
ଉନ୍ନତି ପାଇଁ ସବୁମନ୍ତେ ଧ୍ୟାନ ଦିଆଯିବ ବୋଲି ଶ୍ରୀ ପ୍ରଧାନ
ପ୍ରକାଶ କରିଥିଲେ।
